مستحيل نعود ..بقلم الشاعرة عبير حلمي
عبير حلمي تكتب ...مستحيل نعود
دموع الفراق جرحتني قبلك
قلبي دق ..فكان لازم أقابلك
مستحيل نعود ...كما كنا زمان
ومستحيل قلبي... يهجر المكان
كل الحكاية الفراق مكتوب علينا
سواء بإيدينا ...أو مش بإيدينا
لازم نرضى بالقدر و المكتوب
ده نصيب و انكتب على القلوب
وحبنا في لحظة أصبح مسلوب
مين فينا غالب ومين مغلوب ؟!
مش مهم يا حبيبي ....
الأهم الذكريات تعيش و تدوم
و تفضل لي ....كلمة حبيبتي
يطول بها .... العمر و يسود
تحمي قلبي من غدر الأسود
بالصدق .....كل يوم بدعيلك
بدعيلك وأحيانا منك بشكيلك
بدعيلك لأنك ساكن مهجة الفؤاد
بدعيلك بيني وبينك من سكات
و مسير الأيام في يوم تثبتلك
وأشكيلك من الظلم والجحود
بحبك و عذاب القلب بلا حدود
سيظل الحب المصون للخلود
تناديني... الذكريات مع الوعود
أتجاهل النداء ولا في يوم أعود
قسوة قلبك قست قلبي عليك
جرحنا الهوى بإديا أو بإيديك
تقولي نرجع تاني .....
أقولك مستحيل.... بس ياريت
ياريت تقدر تعدي كل الحدود
و تهدم بينا الأسوار والسدود
تهزم الألم و الجفاء الممدود
قلبي يعتريه خوف بلا حدود
فجوة بيني وبينك انكسار
ومضة خجل و ليل الإحمرار
صادفت كتير و نسيت العذاب والنار
وصدقت الأعذار والقلب جريح
والندم أصبح ...صادق و مريح
لكن وعدي لك .....دائم و يزيد
هتفضل الحبيب حتى و أنت بعيد
ساكن القلب والروح و مني قريب
وللجراح ...أنت الدواء و الطبيب
مين يصدق كل اللي جرى لينا ؟!
جرحنا الحب ..أنا وأنت بإدينا
بعد الشوق والحب اللي ملا عينينا
واللوم بس علينا ....
ياما جرحنا في بعض بلا حدود
تقولي .......يلا في يوم نعود
تفتكر ....هصدق تاني وعودك
ويفرح قلبي .... بنغمات عودك
خلاص يا حبيبي ..الفرح لن يعود
كان زمان وبس الحب موجود
مستحيل يا حبيبي ...
مستحيل ..... في يوم نعود
تعليقات
إرسال تعليق