الصديق وقت الضيق ...بقلم عبير حلمي
الصديق وقت الضيق ...بقلم عبير حلمي
الصديق إللى تلاقيه جنبك وقت الضيق
لا يغيب عنك ولا يسيبك وسط الطريق
يسمع منك حكايات كثير ولا يزهق
ولا يشمّت فيك حد ولك ينصح
الصديق إللى ضحكته جميلة يخفف آلامك
صوت حنين يضمد كل جراحك
يصون أسرارك ولا يبوح بكلامك
يعرفك من صوتك ويقولك يا صديقى مالك
إللى يفرح لفرحك
وإللى يزعل لزعلك
مشاركك ومعاك طول الطريق
يشيل معاك الهم و يرفع عنك الغم
بكلمة حلوة أو نكتة جميلة
يقولك يا صديقى فكها ماتشيلش هم
إحنا لبعض يا عم
الصديق بحق هيكون لك توأم روح
وبأسرارك عمره ما هيبوح
يدافع عنك بالدم وكمان بالروح
هيقولك يا صديقى أنا لك وأنت ليا
اللقمة نقسمها والعيشة تبقى هنية
وإللى معاه يغطى إللى مامعهوش
وهى أزمة وتعدى والرب يحوش
فى فرحك كتفه فى كتفك
فرحتك تبان فى عينه ويمكن أكثر منك
ويقول ده فرح أخويا إللى مشاركنى كل حياتى
إللى شايل معاه كل أسراى وحكاياتى
وجوايا كل ذكرياته وذكرياتى لعبنا وكمان هزارنا
كثير ياما اتخانقنا مع أغراب وكمان أتعورنا
كتفى فى كتفه وظهرى فى ظهره ولا عمرنا اتكسرنا
يقولى خلاص يا صديقى اتجوزت وهتبقى أب
وأنا بقى هبقى عم لأولادك
وبكده خلاص معاك أنا ادبست
والصديق الجدع رزق
تعليقات
إرسال تعليق